TUMEKUFIKIA

TUMEKUFIKIA
..............................................

TUUNGANE KWA PAMOJA

TUUNGANE KWA PAMOJA
.............................................................

KIJUKUU BLOG TEAM SISI TUTAWALINDA WEWE JE?

KIJUKUU BLOG TEAM SISI TUTAWALINDA WEWE JE?
...................................................................

KARIBU KAHAMA KWA MALAZI SAFI.

KARIBU KAHAMA KWA MALAZI SAFI.
PLACE TOBE

NJOO UPENDEZE NASI

NJOO UPENDEZE NASI
TUPIGIE 0758-762255

WAUZAJI WA VIFAA VYA SHULE MJINI BUKOBA.

WAUZAJI WA VIFAA VYA SHULE MJINI BUKOBA.
....................................................................

'

'
'

Kwa Habari Makini za Kila siku, Michezo,Burudani,Biashara,Matukio na Habari za Kimataifa tembelea hapa, pia kwa matangazo wasiliana nasi  Piga 0767942570 au 0786942470

Saturday, April 18, 2015

CHADEMA YAMTAKA RAIS KIKWETE KUTOSAINI MUSWADA WA SHERIA YA UHALIFU MTANDAONI.

CHAMA cha Demokrasia na Maendeleo (Chadema) kimewataka wadau wa habari na taasisi mbalimbali, zikiwemo za kimataifa kuangalia kwa makini na kujadili baadhi ya vifungu vilivyopo katika muswada wa habari ili kuishawishi serikali kutousaini kwa kuwa unalenga kubana uhuru wa vyombo vya habari nchini.

Akizungumza Dar es Salaam jana, Naibu Katibu Mkuu Bara, John Mnyika, alisema miswada yote ya hati ya dharura, hasa ya miamala ya kielektroniki na mitandao ya jamii isisainiwe ili iweze kurudiwa bungeni.

“Wadau na taasisi mbalimbali za kimataifa wazipime ili waone kama zinafaa, wakati hayo yakiendelea tunamtaka Rais Kikwete asisaini sheria hizi, hasa ile ya makosa ya mitandaoni,” alisema Mnyika.

Alisema miswada yote iliyopelekwa kwa hati ya dharura inapaswa irudishwe tena bungeni ili iweze kujadiliwa na wabunge kwa kushirikiana na wadau wa habari.

Kwa mujibu wa Mnyika, kwakuwa miswada hiyo haijapelekwa kwa hati ya dhati, hivyo wananchi wanapaswa kuibua mijadala ili kuhoji upungufu wake.

Alisema endapo muswada wa habari utapitishwa kutakuwa na utaratibu wa kuwa na Bodi ya Ithibati ambayo inataka kila mwandishi awe na elimu ya shahada, hali itakayosababisha waandishi wengi kupoteza kazi.

Akizungumzia muswada wa takwimu, alisema serikali ina mpango wa kutoa madaraka makubwa kwa Ofisi ya Takwimu (NBS) pamoja na kuzuia mikataba ya gesi na mengineyo kupitia sheria hiyo.

“Haki ya kupata taarifa imetolewa sehemu moja, hili ni kosa na wana lengo la kutumia sheria hizo mbovu kuwaadhibu wanahabari,” alisema Mnyika.
Alisema endapo Rais akisaini muswada wa sheria ya kielektroniki, atakuwa amefanya kosa kwa sababu wakati unapitishwa bungeni akidi ilikuwa haijatimia.

DK.REGINALD MENGI AHOFIA USALAMA WA MAISHA YAKE,NI KUFUATIA GAZETI KUANDIKA HABARI KUWA RAIS KIKWETE ALIAPA KUPAMBANA NAYE.


Mwenyekiti Mtendaji wa IPP, Dk. Reginald Mengi akishika gazeti la Taifa Imara wakati akizu ngumza na waandishi wa habari jijini Dar es Salaam jana . 
PICHA: TRYPHONE MWEJI

Mwenyekiti wa Makampuni ya IPP, Dk. Reginald Mengi amesema anahofia usalama  wa maisha yake, kufuatia habari iliyoandikwa katika gazeti moja la kila wiki  kwamba,  Rais Jakaya Kikwete aliapa kupambana naye jambo ambalo limempa hofu kubwa.

Kadhalika, amelalamikia  Kurugenzi ya Mawasiliano Ikulu na Idara ya Habari Maelezo kwa kukaa kimya na kuacha kutoa ufafanuzi dhidi ya tuhuma hizo, huku taarifa hizo zikiendelea kusambazwa.

Akizungumza na waandishi wa habari jana jijini Dar es Salaam, Mengi alisema kuwa tuhuma zilizotolewa dhidi yake kuwa yeye ni kinara wa kuhujumu serikali ya Rais Kikwete siyo za kweli.

Dk.Mengi alisema amesoma kwa masikitiko makubwa habari iliyochapishwa Machi 23, mwaka huu na gazeti la Taifa Imara, yenye kichwa cha habari 'Zitto amchongea Mengi kwa JK' ambapo pamoja na mambo mengine inasema kuwa Zitto Kabwe amemchongea Dk. Mengi kwa Rais Kikwete kwamba ndiye kinara wa kuhujumu serikali yake.

Alisema habari hiyo ambayo chanzo chake kimeelezwa kwamba ni Ikulu, iliendelea kueleza kuwa Zitto alikutana na Rais Kikwete muda mfupi baada ya kuwasilisha bungeni ripoti ya Kamati ya Bunge ya Hesabu za Serikali (PAC) kuhusiana na kashfa ya Escrow ambayo Zitto alikuwa ni mwenyekiti wake.

"Habari hiyo inasema kwamba katika mazungumzo yake na Rais Kikwete Zitto amenukuliwa akimueleza mkuu huyo wa nchi kuwa anayesababisha serikali yake iyumbe kila mara ni Mengi," alisema Dk. Mengi.

Dk. Mengi alisema habari hiyo ambayo nakala yake ameiambatanisha kwenye taarifa yake, inasema yeye Zitto , binafsi amekuwa akishawishiwa na Dk. Mengi kuiangusha serikali ya Rais Kikwete.

Hata hivyo, Dk. Mengi alisema katika habari hiyo Zitto alikwenda mbali zaidi kumueleza Rais Kikwete kuwa Dk. Mengi ameapa kuwa Rais Kikwete akimaliza muda wake wa Urais atamshughulikia kwa nguvu zake zote.

Alisema habari hiyo imeeleza kwamba baada ya maelezo hayo, Rais Kikwete aliapa kupambana na Dk. Mengi na akamshukuru Zitto kwa kumpa taarifa hizo.

Mengi alisema tuhuma zilizotolewa kuhusu nia yake ya kutaka kuiangusha serikali ya Rais Kikwete na kumshughulikia baada ya kumaliza muda wake wa uongozi, zimemshtua sana na tamko la kwamba Rais Kikwete aliapa kuwa atapambana na yeye zimempa hofu kuhusu mustakabali wa maisha yake.

Alisema kuwa hofu yake kubwa inasababishwa na Ikulu na Idara ya habari Maelezo kukaa kimya kwa zaidi ya wiki tatu bila kutoa ufafanuzi wowote.

"Najua umakini wa Kurugenzi ya Mawasiliano Ikulu na Idara ya habari Maelezo katika kutoa ufafanuzi wa haraka wa jambo lolote linalomhusu Rais, lakini katika hili nashangaa kuona taasisi hizo zimeamua kukaa kimya na kuacha tuhuma hizo kusambaa,"alisema Dk. Mengi.

Aliongezea kusema kuwa," hofu yangu inazidi kuwa kubwa kwa sababu Rais ni Mkuu wa Majeshi ya ulinzi na usalama. Kauli yake kama ilivyonukuliwa na gazeti hili kwamba atapambana na mimi inawezekana kuchukuliwa kama agizo kwa vyombo vya dola kuniangamiza," alisema.

Alitolea mfano mwaka 1170, Askofu Mkuu wa Canterbury nchini Uingereza aliuawa baada ya walinzi wa mfalme kusikia mfalme akisema "hakuna anayeweza kuniondolea huyo mkorofi?". Walinzi wake wakadhani mfalme ameagiza wamuue Askofu huyo na wakamuua, alisema.
CHANZO: NIPASHE     

ZITTO KABWE AWASHUKURU WAKAZI WA KAHAMA KWA KUMUUNGA MKONO ALIPOPELEKA HOJA BUNGENI KUHUSU WIZI KATIKA MGODI WA BUZWAGI.

KIONGOZI MKUU WA CHAMA CHA  ACT WAZALENDO  MH ZITTO KABWE AKIWAHUTUBIA WAKAZI WA KAHAMA KATIKA VIWANJA VYA CDT MJINI HUMO,AMBAPO KATIKA MENGI ALIYOSEMA NI PAMOJA NA KUWASHUKURU WAKAZI WA KAHAMA KWA KUMUUNGA MKONO WAKATI ALIPOPELEKA HOJA BUNGENI KUHUSU WIZI KATIKA MGODI WA DHAHABU WA BUZWAGI.

MWENYEKITI WA ACT-WAZALENDO ANNA MNGWHIRA AKIWAHUTUBIA WAKAZI WA KAHAMA MKOANI SHINYANGA KATIKA VIWANJA VYA CDT WAKATI WA MKUTANO WAO WA KUWATAKA WANANCHI KUUNGA MKONO CHAMA HICHO

WAKAZI WA KAHAMA WAKISHANGILIA KATIKA MKUTANO WA ACT-MAENDELEO MJINI KAHAMA.

Friday, April 17, 2015

BREAKING NEWS: POLISI WENYE SILAHA ZA MOTO WAIZINGIRA NYUMBA YA ASKOFU GWAJIMA HUKO SALASALA JIJINI DAR.

Habari zilizotufikia muda huu zinasema nyumba ya Askofu wa Kanisa la Ufufuo na Uzima Josepht Gwajima (pichani) imezingilwa na la Polisi wenye  silaha  za  moto kuanzia Majira ya saa moja asubuhi ya leo, huku Askofu huyo akijifungia ndani ya nyumba yake akikataa kufungua mlango.
 
Taarifa  toka  nyumbani  kwa  Gwajima zinaarifu kuwa zaidi ya magari manne ya Polisi aina ya Difenda yaimezingira nyumba hiyo wakiwa na lengo la kumsubili kiongozi huyo wa kiroho atoke ili wamtia nguvuni pamoja na kufanya msako kwenye nyumba yake.

Mwanasheria wake amesema ishu yote ilianzia pale ambapo Askofu Gwajima alitakiwa kuwasilisha nyaraka za vitu anavyomiliki, lakini wao walihitaji kupata barua kutoka Makao Makuu ya Jeshi la Polisi ili kuwasilisha nyaraka hizo.

MGOMO WA MADREVA WA COSTA MBEYA,WASABABISHA AJALI YA WATU 20.

Watu 19 wamefariki baada ya gari aina ya toyota hiace kuacha njia na kutumbukia kwenye mto kiwira wilayani rungwe mkoani mbeya.

Kamanda wa polisi mkoani mbeya ahmed msangi amesema ajali hiyo imetokea asubuhi kwenye eneo la uwanja wa ndege kiwira amesema dereva wa gari hilo namba t 290 abu alikuwa amewapakia wafanyabiashara 21 waliokuwa wakitokea uyole kwenda gulioni kiwira.

Ameongeza kuwa  watu 18 wamefariki papo hapo na mmoja amefariki wakati akipatiwa matibabu.

Amesema ajali hiyo imesababishwa na mwendokasi aliokuwa nao dereva uliomfanya ashindwe kulimudu gari likiwa kwenye mteremko mkali na hivyo kutumbukia darajani.

Amesema dereva huyo alipakia wafanyabiashara hao kufuatia mgomo wa madereva wa magari aina ya costa ambayo kwa kawaida ndiyo yanayofanya shughuli ya kusafirisha abiria

MATUKIO KATIKA PICHA: 

MIILI YA MAREHEMU IKIPAKIWA KWENYE GARI KUTOKA ENEO LA TUKIO.

BAADHI YA MIILI  ILIYOONDELEWA KWENYE AJALI HIYO

GARI LIKIONEKANA LIKIWA NDANI YA MTO

MWONEKANO WA GARI



KIFUSI CHADAIWA KUUWA WACHIMBAJI WADOGO 20 KATIKA MACHIMBO YA TULOLE WILAYANI KAHAMA.

 Eneo la machimbo ya madogo ya  dhahabu ya kijiji cha Kalole kata ya Runguya tarafa ya Msalala wilaya ya Kahama mkoani Shinyanga.Inakisiwa zaidi ya watu mia moja wamepoteza maisha katika machimbo hayo haramu.

KAHAMA
Wachimbaji wadogo 19 wanahofiwa kufariki baada ya kufukiwa na kifusi katika machimbo ya kalole wilayani kahama.

Kamanda wa polisi mkoa wa shinyanga justus kamugisha amesema tukio hilo limetokea usiku wa kuamkia leo baada ya wachimbaji hao kuingia shimoni kwa lengo la kuchimba dhahabu.

Amesema wakati wachimbaji hao wakiendelea na shughuli zao shimo hilo lilifukiwa na kifusi kutokana na kuwepo kwa mchanga mwingi.

 kamanda kamugisha amesema machimbo hayo awali yalifungwa kutokan ana sababu za kiusalama na kwamba wachimbaji hao walivamia waliposikia kuwa dhahabu imeibuka tena .

Machimbo haya ya Kalole mwaka jana mwezi wa tatu yanadaiwa kuuwa zaidi ya watu zaidi ya 8 walifariki Dunia. 

Baadhi ya duara ya simo la kuchimba dhahabu katika kijiji cha Kalole wilayani Kahama mkoani Shinyanga.


Thursday, April 16, 2015

JE UNATAKA KUANZISHA BLOG YAKO? FUATA MAELEKEZO HAYA.

1) Je unahitaji kuanzisha blog yenye mafanikio?
2) Je wewe ni mwanablog mchanga na unahitaji kufahamu mengi yatakukufanya uwe ni mwenye mafanikio katika uwanda wa blog?
3) Je umeanzisha blog lakini unakata tamaa kwa kuwa huna muelekeo na hujui unachokifanya?
4) Je huamini kama unaweza ukaifanya blog yako ikatembelewa na watu zaidi ya elfu moja kwa siku?

Ikiwa angalau moja ya jibu katika majibu ya maswali hayo ni "ndio" basi umefika katika blog iliyosahihi kwa utatuzi wa tatizo lako. Fuatana nami katika mfululizo wa machapisho 10 muhimu ambayo nimeyaandaa mahususi kwa ajili ya wanablog wachanga ili waweze kujitambua wenyewe katika uwanda wa blog na kupata pa kuanzia.

Kabla hujaanza hata kufungua blog yako nakushauri kitaalamu kuwa upitie machapisho 10 yafuatayo kwa umakini na kuelewa ili uwe ni mwenye mwanzo mzuri wa blog yako/zako. Hata kama ulikwishaanza lakini unahisi hufanyi vyema basi pia tenga muda wako kwa siku na taratibu pitia machapisho yafuatayo ili utambue ni wapi umekosea ama ni wapi panahitaji kuongezea ama ni kitu gani cha kupunguza ili blog yako iwe ni ya mafanikio.

Machapisho blog yenyewe ni:
02) Sababu 5 kubwa za watu kublog
03) Sababu 10 zinazoweza kukufanya uanzishe blog
04) Angalia kama kublog kunakufaa kabla hujaanza
05) Jipime kama unastaili kuanzisha blog
06) Tambua vitu 5 unavyoweza kuchukia katika kublog kwako
07) Mahitaji muhimu ili uanzishe blog yenye mafanikio
08) Vidokezo 10 vya kuzingatia kwa wanablog wachanga
09) Vidokezo vya kublog muhimu kwa kila mwanablog
10) Vidokezo 5 katika kuchagua mada kwa ajili ya blog yako


Usisite kuuliza swali sehemu yeyote ambayo utakuwa unahitaji ufafanuzi katika chapisho husika. Na kama utaona machapisho haya yanamanufaa basi pia unaweza kushirikisha (share) na wenzio kwa kutumia viungo vilivyopo chini ya hili chapisho.

HUWEZI AMINI AJALI ZA BARABARANI ZAUWA WATU 969 KWA MUDA WA SIKU 102.


WAKATI Rais Jakaya Kikwete akiungana na Watanzania kuomboleza vifo vya watu 19 walioteketea katika ajali ya basi lililoungua moto baada ya kugongana na lori juzi mjini Morogoro, imefahamika kuwa, ajali za barabarani zimegharimu maisha ya watu 969 kati ya Januari Mosi na Aprili 12 mwaka huu.

Aidha, watu 2,500 wamejeruhiwa katika kipindi hicho, wengine wakisababishiwa ulemavu wa kudumu kutokana na ajali hizo. Hii ina maana kwamba, kwa wastani, watu 10 walipoteza maisha katika ajali za barabarani kila siku kati ya Januari na Aprili 12 mwaka huu, ilhali waliojeruhiwa ni wastani wa watu 25 katika muda kama huo.

Hayo yalibainishwa jana na Kamanda wa Kikosi cha Usalama Barabarani Nchini, Mohammed Mpinga aliyesema hayo yametokea katika ajali za barabarani 2,224 za kati ya Januari na mwanzoni mwa Aprili.

Alisema watu 866 walikufa na wengine 2,363 kujeruhiwa kati ya Januari na Machi, wakati wengine 103 wamepoteza maisha na 138 kujeruhiwa kati ya Machi 11 na Aprili 12 mwaka huu.

Alisema katika ajali zote hizi chanzo kikubwa ni mwendokasi wa madereva bila kuzingatia alama na michoro ya barabarani na abiria kushabikia mwendo kasi na kumtetea dereva pindi anapofanya makosa.

“Dereva akifanya makosa akikamatwa abiria wanachangia kumlipia faini dereva jambo ambalo linawapa madereva kiburi wakiamini akifanya makosa abiria wanamsaidia,” alisema Mpinga.

Aliongeza kuwa kwa upande mwingine wamiliki wa vyombo vya usafiri wanachangia ajali kwani wamekuwa wakiwadhibiti na kuwaamrisha madereva wao kwenda mwendo kasi na pale anapokosea anamlipia faini jambo ambalo linapelekea kutokea kwa ajali zinazopoteza maisha ya watu wengi na kuwaachia wengine vilema vya maisha.

Alisema pia tabia binafsi za madereva kuendesha kwa ubabe barabarani pindi wanapokutana na magari madogo, kitendo alichosema si sahihi kisheria na linaweza kusababisha ajali hivyo ni vyema kila mmoja kumheshimu mwenzake na kufuata sheria.

Pia alisema jambo lingine linalosababisha ajali za barabarani ni matumizi ya dawa za kulevya na ulevi mambo ambayo humfanya dereva kuchoka na matokeo yake kusababisha ajali.

Aidha aliwataka madereva kuwa na tahadhari wanapoendesha hususani vipindi vya mvua, akiwahimiza kuwa waangalifu na kuzingatia michoro na alama za barabarani na abiria kutoa taarifa za madereva wanaokwenda kinyume na sheria za barabarani. JK atuma salamu Wakati Mpinga akianika takwimu hizo,

Rais Kikwete amemtumia salamu za rambirambi Mkuu wa Mkoa wa Morogoro, Dk Rajabu Rutengwe kuomboleza vifo vya watu 19 na wengine 11 waliojeruhiwa katika ajali ya basi na lori iliyotokea mwishoni mwa wiki katika kijiji cha Msimba kwenye Barabara Kuu ya Morogoro – Mbeya, kilometa chache kutoka Ruaha Mbuyuni na kusababisha abiria hao 18 kuungua vibaya.

Katika taarifa yake kwa vyombo vya habari, alisema: “Nimepokea kwa masikitiko makubwa taarifa ya vifo vya watu 18 kutokana na ajali mbaya ya barabarani iliyosababisha miili yao kuungua vibaya.

“Huu ni msiba mkubwa kwa Taifa, hivyo nakutumia salamu zangu za rambirambi, na kupitia kwako naomba salamu zangu za rambirambi na pole nyingi ziwafikie pia wanafamilia, ndugu na jamaa waliopotelewa na wapendwa wao katika ajali hiyo.

Namuomba Mola awape moyo wa uvumilivu na subira watu wote waliopotelewa na ndugu na jamaa zao katika ajali hiyo mbaya.

Vilevile namuomba Mola awawezeshe majeruhi wote wa ajali hiyo kupona haraka, ili warejee katika hali yao ya kawaida na kuungana tena na familia, ndugu na jamaa zao,” aliongeza kusema Rais Kikwete.