MAAMUZI SAHIHI KWA WAKATI SAHIHI.

MAAMUZI SAHIHI KWA WAKATI SAHIHI.
........KAHAMA KWANZA...........

TUMEKUFIKIA

TUMEKUFIKIA
..............................................

TUUNGANE KWA PAMOJA

TUUNGANE KWA PAMOJA
.............................................................

KIJUKUU BLOG TEAM SISI TUTAWALINDA WEWE JE?

KIJUKUU BLOG TEAM SISI TUTAWALINDA WEWE JE?
...................................................................

KARIBU KAHAMA KWA MALAZI SAFI.

KARIBU KAHAMA KWA MALAZI SAFI.
PLACE TOBE

NJOO UPENDEZE NASI

NJOO UPENDEZE NASI
TUPIGIE 0758-762255

WAUZAJI WA VIFAA VYA SHULE MJINI BUKOBA.

WAUZAJI WA VIFAA VYA SHULE MJINI BUKOBA.
....................................................................

'

'
'

Kwa Habari Makini za Kila siku, Michezo,Burudani,Biashara,Matukio na Habari za Kimataifa tembelea hapa, pia kwa matangazo wasiliana nasi  Piga 0767942570 au 0786942470

Thursday, July 23, 2015

BASI LA SIMIYU EXPRESS LAGONGA MBUYU NA KUUA WATU HUKO DODOMA

                                         Basi la Simiyu Express likiwa eneo la tukio

Zaidi ya watu sita wanadaiwa kupoteza maisha katika ajali mbaya ya basi la Simiyu Express ikitoka Simiyu kwenda Dar es salaam leo Julai 22,2015  katika eneo la Chalinze Nyama mkoani Dodoma.


Mwandishi wa Malunde1 blog aliyeko eneo la tukio anasema chanzo cha ajali inasemekana ni kupasuka kwa tairi la mbele la basi hilo kisha kugonga mbuyu leo majira ya saa moja usiku.


Majeruhi wamekimbizwa katika Hospitali ya rufaa ya mkoa wa Dodoma kwa ajili ya matibabu na kwamba watu waliopoteza maisha ni wengi na majeruhi ni wengi.

PATROBAS KATAMBI ASHINDA KURA ZA MAONI,NDIYE MGOMBEA WA UBUNGE KWA TIKETI YA CHADEMA SHINYANGA.

Habari tulizozinyaka hivi punde kutoka kwenye mkutano wa uchaguzi wa kutafuta wagombea wa ubunge na viti maalumu Chadema uliokuwa unafanyika katika ukumbi wa Ibanza Hotel mjini Shinyanga leo.
 
Katika uchaguzi huo ni ndugu Paschal Patrobas Katambi(Mzimu wa Shelembi),ambaye ni mwenyekiti wa Baraza la Vijana Chama Cha Maendeleo (Chadema) Taifa,amechaguliwa na wanachama wa chama hicho kugombea Ubunge Jimbo la Shinyanga Mjini kupitia Chadema/Ukawa katika uchaguzi mkuu ujao.

Watia nia ya ubunge walikuwa 11 ingawa Katambi alikuwa anachuana vikali na Rachel Mashishanga aliyepata kura 53,na Francis Kasili aliyepata kura 63 wakati yeye (Katambi) akipata kura 78.

Kwa matokeo hayo,Patrobas Katambi ambaye amekuwa akijiita Mzimu wa Shelembi ndiyo atasimama kugombea ubunge jimbo la Shinyanga Mjini kupitia Chadema/Ukawa katika uchaguzi mkuu ujao.

MTANGAZAJI WA ITV GODWIN GONDWE ACHUKUWA FOMU KUMVAA KIWIA JIMBO LA ILEMELA.

Naibu katibu wa UWT Grace Shindika akimkabidhi Mhadhiri wa Chuo Kikuu Tumaini na Mwanahabari Mwandamizi ITV/Radio One Godwin Gondwe fomu ya kugombea Ubunge wa Jimbo la Ilemela. Tunawaomba sala zenu, maombi na msahada wa hali na mali ili tufuke.

 October 25 2015 ni siku ya Uchaguzi Mkuu ambapo Watanzania watachagua Rais, Wabunge na Madiwani.. sababu hiyo pekeyake inatosha kutufanya tusikwepe kabisa kukutana na stori za kisiasa Tanzania !!

Idadi ya Wanahabari waliotangaza Kugombea Ubunge kwenye Majimbo mbalimbali Tanzania imezidi kuongezeka, tumesikia kuhusu wengi ikiwemo mmoja ya Wanahabari wakongwe Tanzania, Godwin Gondwe ambaye ametangaza kugombea Ubunge wa Jimbo la Ilemela Mwanza.

Wednesday, July 22, 2015

MH LEMBELI NA BULAYA WAKARIBISHWA RASMI CHADEMA,JIJI LA MWANZA LAZIZIMA!!!

11703133_933997036664094_8345820761567523157_n (1)
Waliokuwa wabunge wa CCM,  Mzee James Lembeli (kulia) na Easter Bulaya wakiwa katika mkutano wa Chadema leo jijini Mwanza.

Mwenyekiti wa Chama cha Demokrasia na Maendeleo (Chadema), Freeman Mbowe amewakabidhi rasmi kadi za uanachama, aliyekuwa Mbunge wa Kahama, Mh. James Daudi Lembeli na aliyekuwa Mbuge wa Kuteuliwa mkoani Mara, Ester Amos Bulaya kwenye Mkutano wa chama hicho unaoendelea mpaka sasa jijini Mwanza.

Mh Lembeli akiwa na John Mnyika wakikatiza mitaa ya jiji la Mwanza.

11754279_382774181915186_2019913800618807110_n
Marafiki wawili, Easter Bulaya akifurahia jambo na Halima Mdee.
cdm44
Viongozi wa Chadema baada ya kufika kwenye uwanja wa mkutano.
slaa13Katibu akikatiza mitaa na mashabiki ya watu Jijini Mwanza.

slaa14Katibu Mkuu wa Chadema, Dk. Willbrod Slaa akiwasalimia wananchi mkutanoni.

PICHA ZAIDI ZAJA.

BAADA YA KUUKOSA URAIS,HII HAPA SABABU YA MH MEMBE KUACHANA NA SIASA.


Waziri wa Mambo ya Nje na  ushirikiano wa kimataifa, Bernard Membe, amesema hatogombea wadhifa wowote kwenye uchaguzi mkuu wa  mwaka huu na kwamba anapanga kujishughulisha na masuala yake ya kibinafsi.

Membe ambaye alikuwa akitafuta tiketi ya Chama Cha Mapinduzi (CCM) ili kuwania urais mwezi Oktoba lakini akashindwa kufikia lengo hilo, amesema kuwa, hatotafuta nafasi ya ubunge katika jimbo lake la Mtama.

Hata hivyo amesema ataendelea kukiunga mkono chama chake cha CCM na atampigia debe mgombea urais aliyeteuliwa na chama hicho, Bw. John Magufuli.

Awali kulikuwa na tetesi kwamba Membe angegombea ubunge baada ya kukosa nafasi ya kuwania urais kwa tiketi ya CCM.

Huku hayo yakijiri, chama cha Mapinduzi  (CCM) kinaendelea kupata pigo baada ya baadhi ya wabunge wake kutangaza kuwa hawatogombea tena nafasi zao kupitia chama hicho kwenye uchaguzi mkuu ujao.

Tayari madiwani 20 wa CCM katika jimbo la Monduli wametangaza kuhamia Chadema na kumtaka mbunge wao, Edward Lowassa kufuata mkondo huo.

ZITTO KABWE KUMKABIDHI KADI YA ACT WAZALENDO MBUNGE MOSES MACHALI.

Kiongozi  wa chama cha ACT-Wazalendo Zitto Kabwe, kesho julai 21 atampokea Mbunge wa Kasulu, mjini Moses Machali(NCCR-Mageuzi), ambaye  atatambulishwa rasmi kuwa mwanachama wa ACT-Wazalendo.
 
Kwa mujibu wa  taarifa iliyotolewa leo na  Abdallah Khamis Afisa Habari -ACT-Wazalendo  imesema  kwamba   Machali ataambatana na Madiwani wawili,Kamishna wa mkoa mmoja na katibu wake pamoja na wenyeviti na makatibu wa kata 12 zilizo katika jimbo la Kasulu mjini.
 
Katika mapokezi hayo kiongozi wa ACT Wazalendo Zitto Kabwe atawapokea na makatibu uenezi 9 wa jimbo la Kasulu mjini yenye jumla ya kata 15 za uchaguzi .
 
Mbali na viongozi hao wengine watakaoambatana na Machali kujiunga na Chama cha ACT-Wazalendo siku ya jumanne julai 21/2015 ni pamoja na wenyeviti wa matawi 101 na makatibu 98, watakaoambatana na wanachama wa awali 648.
 
Wanachama na viongozi wote hao wanatoka katika Chama cha NCCR-Mageuzi jimbo la Kasulu mjini.
 
Baada ya Mapokezi hayo ya wanachama wapya wa ACT Wazalendo, Kiongozi wa Chama Zitto Kabwe ataelekea mkoani Shinyanga kwa ajili ya kuwapokea viongozi na madiwani kutoka vyama mbali mbali zoezi litakalofanyika siku ya jumamosi julai 25.
 
Julai 26 Kiongozi wa Chama atakutana na watia azma wa nafasi ya Ubunge katika majimbo ya jiji la Dar esSalaam kwa ajili ya kuweka mikakati ya ushindi .
 
Wakati kiongozi wa Chama akiwa mikoani kwa ajili ya kuwapokea wanachama wapya, jijini Dar esSalaam siku ya jumatano julai 22 viongozi wengine watakuwa na jukumu la kuwapokea wanachama na waliokuwa madiwani katika vvama tofauti.

Tuesday, July 21, 2015

MFARANSA KUINOA STAND UNITED, NI CHINI YA UFADHILI WA ACACIA

 KOCHA Mfaransa, Patrick Liewig, akizungumzia mikakati yake ya kiufundi baada ya kusaini mkataba wa miaka miwili kuifundisha timu ya soka ya Stand United ya Shinyanga, kwenye makao makuu ya kampuni ya Acacia jijini Dar es Salaam leo Jumatatu Julai 20, 2015. Mkataba huo ni chini ya udhamini mnono wa kampuni ya Acacia, inayomiliki migodi mitatu ya kuchimba dhahabu ya Bulyanhulu, Buzwagi na North Mara


KLABU ya soka ya Stand United ya mjini Shinyanga, imesaini mkataba wa miaka miwili na kocha Mfaransa, Patrick Liewig, ili kuinoa timu hiyo itakayoshiriki ligi kuu soka Tanzania bara msimu huu.

Akizungumza wakati wa kutiliana saini mkataba huo kwenye ofisi za wadhamini wakuu wa timu hiyo, Acacia, jijini Dar es Salaam leo Julai 20, 2015, mwenyekiti wa Stand United, Amani Vincent alisema, baada ya kuangalia vigezo mbalimbali ambavyo klabu hiyo ilihitaji, imeridhika pasina shaka kumuajiri kocha huyo, ili ainoe timu yake kwa misimu miwili.

“Kocha huyu kama mjuavyo anayo sifa ya kuinua vipaji, na sisi tunataka kutengeneza vipaji kutoka chini ili wachezaji hao waweze kuichezea timu yetu”, amesema.

Kocha huyo aliwahi kuifundisha Simba ya Dar es Salaam, kwa miezi sita kabla ya mkataba wake kusitishwa.

Stand United ambayo inashiriki ligi nkuu ya soka Tanzania bara kwa mara ya pili, hivi karibuni ilipata udhamini mnono kutoka kampuni ya uchimbaji madini, Acacia.

Akizungumza kwenye hafla hiyo, Liewig, amesema, atahakikisha anajenga msingi mzuri timu hiyo kwa kuwa na timu ya kikosi cha wachezaji chipukizi ili iwe na hazina ya wachezaji. 

“Kinachohitajika ni kuwa na subira, kwani ninataka kujenga timu na kazi hii siyo ya mara moja.”amesema.

Pamoja na mabo mengine, udhamini wa Acacia kwa timu hiyo  ni pamoja na malipo ya kocha.
 MWENYEKITI wa Stand United ya Shinyanga, Amani Vincent, (wapili kulia), akibadilishana hati za mkataba na Kocha Mfaransa, Patrick Liewig, makao makuu ya kampuni ya Acacia, jijini Dar es Salaam leo Jumatatu Julai 20, 2015. Kulia ni Afisa Habari na Mawasiliano wa Acacia, Frederick Njoka
 Liewig, (kushoto), na Amani Vincent, "wakimwaga" wino
 Mwenyekiti wa Stand United, Amani Vincent, (kulia), akizungumzia maudhui ya mkataba huo na uamuzi wa klabu yake kumpatia "kandarasi"kocha huyo

 Liewig, (kulia), akizungumza na waandishi wa habari
Frederick Njoka, akifungua mkutano huo wa waandishi wa habari

MH LEMBELI SASA RASMI CHADEMA,ATANGAZA KUGOMBEA UBUNGE KAHAMA MJINI.

 
ALIYEKUWA MBUNGE WA JIMBO LA KAHAMA MH JAMES LEMBELI.
 
ALIYEKUWA Mbunge wa Kahama James Lembeli, amehamia rasmi Chama cha Demokrasia na Maendeleo (Chadema), akitokea Chama Cha Mapinduzi (CCM).

Tukio hilo la kuhama lilifanyika jijini Dar es Salaam leo asubuhi katika Hoteli ya Blue Pearl, Ubungo Plaza ambapo aliambatana na mwanae ambaye alijitambulisha kwa jina Wizilya James.

Akizungumzia uamuzi wake huo Lembeli alisema amekuwa ndani ya CCM kwa miaka yake yote lakini kutokana na vitendo vinavyofanyika ndani ya chama hicho ameaona akae pembeni.

Lembeli alisema, ndani ya CCM ili ufanikiwe kupita michakato yote sahihi ni lazima utoe rushwa au kuiba kura jambo ambalo yeye analipiga vita hivyo kutofautiana na viongozi wa chama ngazi ya Wilaya.

“Ndani ya CCM rushwa imekuwa ibada inasumu kali kuliko ukimwi hivyo nimeshindwa kuvumilia naona Chadema wana viashiria vinavyofanana na mimi ngoja tukafanye kazi,” alisema Lembeli.

Alisema katika harakati za kupata wagombea katika jimbo la Kahama kila mwaka ni lazima rushwa itumike lakini chama kimekuwa kimya na kuwabeba wale watoa rushwa.

Mbunge huyo alisema ushahidi wa watu kutoa rushwa hasa katika kipindi hiki umeonekana lakini wahusika wameendelea na hatua zingine bila kukemewa.

“Mimi mwaka 2010 nilikuwa nimekatwa lakini huruma ya Rais Jakaya Kikwete nilirejeshwa sasa nimeona hakuna sababu ya kuendelea kulazimisha kama viongozi hawakutaki,” alisema.

Alisema iwapo angechukua fomu CCM mkakati ambao ulikuwepo ni kumkata kwa kile ambacho wanaamini kuwa amekuwa akisimamia misimamo ambayo ina madhara kwa Serikali.

Lembele alisema kutokana na dhana hiyo ni vema aende katika chama ambacho kinaonekana kuwa wabunge wake wanauchungu na nchi yao na sio kubebana kusiko na sababu.

“Kufanya kosa sio kosa lakini kurudia kosa ni kosa kubwa sana hivyo siwezi kurudia kosa la 2010 hivyo huku Chadema ndiko sahihi,” alisema.

Alisema ukiona mwenzako ananyolewa ni vema kujiandaa kwa kutia maji nywele jambo ambalo ameliona na ameamua kufanya hivyo.

“Siwezi kutoa rushwa kwa sababu sijafunzwa hivyo na hata wananchi wa Kahama wanajua kuwa mimi sio mtoa rushwa hivyo ukiwa hutoi rushwa CCM ni ngumu kukubalika jambo ambalo linafanya kuwa rushwa iwe mbaya kuliko UKIMWI,” aliongezea.

Akizungumzia kugombea ubunge kupitia Chadema, alisema atafanya hivyo kwani ukweli ni kuwa anakubalika kwa wananchi wote kutokana na misingi yake ya utumishi.

Alisema mpaka anafanya uamuzi huo ameshafanya utafiti ambapo anaamini kuwa atashinda tena kwa kishindo kwani wananchi wa jimbo hilo wanamkubali.

Lembeli alisema kimsingi jimbo la Kahama wapinzani wapo tangu yeye akiwa Mbunge, hivyo anaamini kuwa iwapo atafanikiwa kushinda hatapata wakati mgumu kufanya kazi.

“CCM imefanya mambo mengi ambayo kimsingi hayana afya ndani ya chama ukiwa wa kwanza kwa kura ndani ya CCM unakuwa wa mwisho hali ambayo inakatisha tamaa na hilo lilitokea 2010 na Chadema wakapata ushindi,” alisema

Pia alisema amepokea simu na meseji nyingi ambazo kutoka kwa wananchi zinamtaka agombee kupitia chama Chadema hivyo pamoja na ukweli kuwa ni uamuzi mgumu ila hawezi kula matapishi.

Alisema ilimchukua masaa 10 kumuelezea mama yake juu ya uamuzi huo lakini baadae alielewa hivyo kwa sasa ana baraka zote za mama na familia kwa ujumla.

Kuhusu uhusiano na 4U Movement
Akizungumzia kuhusu uamuzi huo kuhusishwa na kundi la 4u Movement, alisema kimsingi kundi hilo analiona kupitia mitandoa ya kijamii ila hana uhusiano nalo na hahitaji kuwa katika hao.

Lembeli alisema wananchi wa Kahama ni watu makini wanajua nini cha kufanya hivyo uamuzi ambao watafanya utakuwa ni kwa uelewa wao na sio kwa msukumo wa kundi hilo linalotajwa kuwa ni wafuasi wa Waziri Mkuu wa zamani Edward Lowassa.

Kuhusu Katiba iliyopendekezwa Lembeli alisema yeye ni muumini wa Serikali tatu na alionesha hilo katika vikoa vyote vya bunge lile ambapo alikuwa katika kamati namba moja.

Alisema kutokana na ukweli huo ni dhahiri kuwa ameenda chama ambacho wanafanana kifra kwani bila Serikali tatu hatma ya Tanzania itakuwa mashakani.

“Kwa hili siwezi kubadilika mimi msimamo wangu hadi leo ni Serikali tatu ambapo pia ni msimamo wa Chadema hivyo wengi ndio walishinda lakini mimi sio mmojawapo,” alisema.

Aidha Lembeli alitumia muda huo kufafanua ni kwanini alitoa hoja ya kutaka Lowassa na wengine ambao wamekutana na majanga ndani ya bunge wasafishwe ambapo alisema haki haikutendeka kusafisha watu baadhi na wengine kuachwa.

Lembeli alisema katika taarifa ya Operasheni Tokomeza haikusema mawaziri fulani wanamakosa ila iliweka bayana kuwa kulinga na nafasi zao wanapaswa kuwajibika kisiasa.

Alisema mfumo wa kusafisha watu fulani na wengine kuwaacha sio mzuri kwani hauendani na misingi ya haki za binadamu ni ubaguzi.

Kwa upande wa mtoto wake wa pili Wizilya James Lembeli alisema wanamuunga mkono baba yao kwa uamuzi huo na kuwa wako nyuma yake.

Alisema uamuzi ambao amechukua baba yake ni mgumu hasa ukilinganisha na kipindi husika lakini hakuwa na njia nyingine kwani ni mtu wa siasa.

Akizungumzia ujio huo Ofisa Habari wa Chadema ambaye ndiye alimpokea Lembeli alisema kimsingi mwanachama huyo mpya alikiwa ni mpinzani kiroho hivyo hawana shaka naye.

Makene alisema wanaamini kuwa wamepata mtu ambaye anapenda mabadiliko kwani alionekana ndani ya bunge na nje kwa kusimamia rasilimali za nchi bila uoga.

Alisema Chadema itaendelea kupokea wanachama wapya kutoa CCM na vyama vingine hadi Julai 25 kwani lengo lao ni kuhakikisha kuwa nchi inafikia kwenye mabadiliko chanya.

Lembeli amekuwa Mbunge wa jimbo la Kahama, tangu mwaka 2005 hadi 2015 ambapo awali alikuwa  mwandishi na mtumishi katika shirika la Hifashi ya Taifa (TANAPA).
Aliyekuwa Mbunge wa Kahama kupitia Chama Cha Mapinduzi (CCM), James David Lembeli (kushoto) akiingia ukumbi wa Hoteli ya Blue Pearl Ubungo Dar es Salaam leo asubuhi akiwa ameongozana na mtoto wake, Wizilya Lembeli wakati akienda kutangaza kuondoka Chama Cha Mapinduzi (CCM) na kujiunga na Chama cha Demokrasia na Maendeleo (Chadema)
Aliyekuwa Mbunge wa Jimbo la Kahama mkoani Shinyanga, James David Lembeli, akizungumza na waandishi wa habari Hoteli ya Blue Pearl Ubungo Dar es Salaam leo asubuhi wakati akitangaza kuondoka katika Chama Cha Mapinduzi (CCM) na kujiunga na Chama Cha Demokrasia na Maendeleo (Chadema), Pamoja na kutangaza nia ya kugombea ubunge kupitia chama hicho.
Lembeli akizungumza na wanahabari.
Wanahabari kutoka vyombo mbalimbali wakichukua taarifa hiyo.
Wanahabari kutoka vyombo mbalimbali wakichukua taarifa hiyo. 
Wanahabari wakimsikiliza Lembeli.
Na Mwandishi Wetu