TUMEKUFIKIA

TUMEKUFIKIA
..............................................

TUUNGANE KWA PAMOJA

TUUNGANE KWA PAMOJA
.............................................................

KIJUKUU BLOG TEAM SISI TUTAWALINDA WEWE JE?

KIJUKUU BLOG TEAM SISI TUTAWALINDA WEWE JE?
...................................................................

KARIBU KAHAMA KWA MALAZI SAFI.

KARIBU KAHAMA KWA MALAZI SAFI.
PLACE TOBE

NJOO UPENDEZE NASI

NJOO UPENDEZE NASI
TUPIGIE 0758-762255

WAUZAJI WA VIFAA VYA SHULE MJINI BUKOBA.

WAUZAJI WA VIFAA VYA SHULE MJINI BUKOBA.
....................................................................

'

'
'

Kwa Habari Makini za Kila siku, Michezo,Burudani,Biashara,Matukio na Habari za Kimataifa tembelea hapa, pia kwa matangazo wasiliana nasi  Piga 0767942570 au 0786942470

Tuesday, June 30, 2015

USAFIRI UNAOTUMIKA KUSAFIRISHA ABIRIA MKOANI GEITA ENEO LA BUSERESERE NI HATARISHI

 
Abiria wakiwa wamekusanywa kwenye buti eneo la kubebea mizigo huku wakiwa sambaba na watoto wadogo.
 Mizigo na Watoto wakiwa wamekusanywa pamoja na mizigo nyuma ya Gari hiyo
Wakazi wa Mkoa wa Geita maeneo ya buseresere na katoro wapo katika hatari kubwa ya maisha yao kutokana na usafiri wanaoutumia kutoka eneo moja kwenda jingine.Mwakilishi wa kikundi cha usalama barabarani Fungo Agustus ametutumia Tukio hili ambalo ni hatari kwa abiria mkoani Geita.Gari ndogo aina ya Pro Box zimeingia kwa wingi mkoani Geita na kutumika kubebea abiria katika mazingira ambayo si salama na ni hatarishi kwa abiria hao.Abiria wamekuwa wakipakiwa kwenye mabuti ya kuwekea mizigo tena kwa msongamano mkubwa.Zifutazo chini ni picha za kinachoendelea kwenye usafirishaji eneo la Buseresere.
 
Gari Aina ya Pro Box Ikiwa tayari kusafirisha abiria
 Aina nyingine ya Gari ndogo inayotumika kubebea abiria.

SAKATA LA ROMBO SASA WANAHARAKATI NA WANAUME WAANDAA MAANDAMANO KUPINGA UDHARIRISHAJI ULIOFANYWA NA MKUU WA WILAYA..


BEN SAANANE MWANAHARAKATI


KAHAMA WATAHADHARISHWA NA WAGOMBEA WANAOINGIA KWENYE SIASA ILI KUFICHA UHARIFU WANAOUFANYA.

Mtandao wa wanasiasa wanawake Tanzania Wilayani Kahama umewataka wananchi kuwa makini na wanasiasa waharifu ambao wamekimbilia kugombea nafasi za uongozi wa kuchaguliwa katika uchaguzi ujao kwa kuwa watu hao wanalengo la kuficha uharifu wao
 
Hali hii imelelezwa leo na mjumbe wa wanamtandao hao Wilayani Kahama Magreth Onesmo wakati akiongea na Blog hii kuhusu hali halisi ya siasa ilivyovamiwa na watu hao katika nafasi za ubunge na udiwani
 
Onesmo ameyasema hayo katika kata ya Nyihogo wakati akitembelea vituo vya kujiandikisha kwenye daftari la wapiga kura ambapo amesema hivi sasa siasa imevamiwa na watu ambao wengi wao wanatuhuma za uharifu lakini tayari wanawarubuni kwa fedha wananchi wawachague kushika nafasi za uongozi
 
Amesema pamoja na kupanuka kwa demokrasia hapa nchini lakini wananchi wanapaswa kuwa makini kuchagua watu wagombea  wenye tuhuma mbalimbali za uharifu kwani hawafai kuwa viongozi pamoja na kuonyesha kutumia gharama kubwa kuwashawishi wananchi wawachague
 
Nae mmoja wa wazee wa kata ya Nyihogo Bi secilia Joseph amewataka wananchi hasa wanawake kujitokeza kwa wingi kujiandisha kwenye daftari hilo ili wapate nafasi ya kuwakataa kwa kura wagombea wenye tuhuma za uhalifu ikiwemo wizi na unyang’anyi wa kutumia siraha
 
Bi Joseph amesema katika siasa wapo watu wengi ambao wameona njia pekee ya kujificha ni kugombea nafasi ya kuchaguliwa hali ambayo amesema wananchi wanapaswa kuwaepuka wagombea watakaogombea wa aina hiyo kwani kuwapa nafasi ya uongozi ni sawa na kuchagua majuto ya miaka mitano

MBUNGE MH KANGI LUGOLA AKATISHA VIKAO VYA BUNGE KWENDA JIMBONI KUSHUGHULIKIA SAKATA LA WALIMU KUCHEZEWA KICHAWI.


MBUNGE wa Mwibara, mkoani Mara, Bw. Kangi Lugola, amelazimika kukatisha vikao vya Bunge vinavyoendelea Mjini Dodoma na kwenda jimboni kwake, Kijiji cha Nambaza, Kata na Tarafa ya Nansimo, wilayani Bunda, ili kushughulikia adha wanayoipata walimu  wa shule ya msingi kijijini hapo.


Walimu hao wanadaiwa kufanyiwa vitendo vya kishirikina kwa kuteswa, kudhalilishwa hivyo kulazimika kuomba uhamisho ili wakafundishe shule nyingine zilizopo mbali na jimbo hilo.



Wakisimulia vitendo wanavyofanyiwa, walimu hao walisema usiku wakiwa wamelala, wachawi huwafuata na kuwanyoa nywele sehemu za siri, kuwaingilia kimwili, kuwaibia mali pamoja na fedha zao.



Walisema mbali ya vitendo hivyo, pia wamekuwa wakikuta mikojo, ugali na samaki ukiwa umefunikwa na shuka kitandani hali ambayo imewafanya washindwe kufundisha na kuomba wahamishwe.



Mwalimu Joyce Maugo ambaye ni mkongwe katika shule hiyo, alisema walimu wa shule hiyo wako hatarini kutokana na vitendo vya kishirikina wanavyofanyiwa ambapo mmoja wa walimu wa kike ambaye kimaumbile ni mdogo, aliingiliwa kishirikina hadi akazimia.



Alisema asubuhi alipoitwa kwenda kushuhudia yaliyomkuta mwalimu huyo, alikuta amefanyiwa mambo ya aibu akiwa hawezi kutembea ambapo kitandani kulikuwa na damu, mikojo na kinyesi.



Aliongeza kuwa, mwalimu mwingine wa kiume, Pasco Mayamba, alikuwa amefunga milango na madirisha ya chumba chake lakini asubuhi alipoamka, alikuta madirisha na milango iko wazi, kitanda kimejaa mikojo, ugali, kipande cha mnofu wa sangara na mchuzi.



"Wakati mwingine tukila chakula usiku kinabadilika, kama ulikuwa wali na nyama unakuwa ugali na dagaa au mboga za majani hali ambayo ni ya mateso makubwa, kama kuna makosa tumefanya bora tuambiwe ili tuombe msamaha badala ya kuendelea kututesa na kutunyima amani ya kazi na maisha," alisema Bi. Maugo.



Mwalimu mwingine aliyefahamika kwa jina moja la Lucy, alisema mbali ya kupata adha hiyo, wachawi hao huwaibia fedha, vitambulisho, kadi za benki na mali nyingine na wakati mwingine hukuta mikojo na kinyesi kwenye madebe ya unga na chungu cha mboga vitendo ambavyo vinawanyima morali ya kazi.



"Kuna wakati tunakuta vinyesi madarasani jambo ambalo huwalazimu wanafunzi na walimu kuvizoa na kufanya usafi...tunawaomba viongozi wa kijiji wachukue hatua dhidi ya vitendo hivi," alisema.



Akizungumza na mwandishi wa habari hizi,Mjini Bunda, Bw. Lugola alisema vitendo vya kishirikina wanavyofanyiwa walimu hao si vya kufumbiwa macho bali vinapaswa kukemewa na wahusika wakibainika wachukuliwe hatua kali kwani mbali na madhara wanayoyapata walimu ikiwa ni pamoja na kuingiliwa kimwili, vitendo hivyo vinawadhalilisha na kudidimiza maendeleo ya elimu jimboni humo.



"Nimelazimika kwenda Kijijini Nambaza kushughulikia tatizo hili na kesho (leo), nitafanya mkutano wa hadhara na wananchi wa kijiji hicho ili kutafuta ufumbuzi wa tatizo liweze kukoma lisitokee tena," alisema.



Hivi karibuni, wakazi wa kijiji hicho walifanya mkutano wa hadhara na kuwapigia kura baadhi ya wanakijiji ambao wanadaiwa kuwa wahusika wakuu wa kufanyia walimu hao vitendo vya kishirikina na kinara wa mambo hayo inadaiwa ni kiongozi wa kijiji hicho ambaye anaishi jirani na shule hiyo.



Katika mkutano huo, wanakijiji waliazimia wahusika hao wahame haraka kijijini hapo kabla hawajachukua sheria mkononi wakidai 
vitendo wanavyovifanya mbali na kuvunja sheria vitasababisha shule yao ikose walimu wa kuwafundisha watoto wao hali ambayo inaweza kusababisha kijiji kukosa wasomi.



Akizungumzia uamuzi wa kijiji hicho, Bw. Lugola alisema anayaheshimu maamuzi hayo na kabla wananchi hawajafikia hatua ya kuchukua sheria mkononi atawashauri watu hao wahame kijiji hicho haraka.



Mkuu wa Wilaya ya Bunda, Joshua Milumbe, alisema  vitendo hivyo hawezi kuvivumilia kwani ni udhalilishaji ambao Wilaya haiwezi kuufumbia macho hivyo lazima achukue hatua.



Alisema atakwenda Nambaza kuzungumza na wananchi wa kijiji hicho ambapo kwa mamlaka aliyonayo kwa mujibu wa sheria, atachukua hatua kali dhidi ya wote ambao watabainika kuhusika na vitendo hivyo vya kihuni na kusisitiza atayaheshimu maamuzi ya wananchi.



Mkurugenzi Mtendaji wa Halmashauri ya Wilaya hiyo, Bi. Lucy Msofe, alisema, amesikitishwa na vitendo wanavyofanyiwa walimu hao ambao umri wao ni mdogo ambapo huo ni ukatili wa hali ya juu.



"Tayari nimelazimika kumuhamisha mwalimu mmoja wa kike ambaye alifika kwangu akiwa na hali mbaya kutokana na vitendo alivyofanyiwa na watu hao...kama hali hiyo itaendelea, nitawahamisha walimu katika shule hiyo na kuwapeleka shule zenye mahitaji kwa sababu huenda shule hii ya Nambaza haiwataki," alisema.



Aliongeza kuwa, hayuko tayari kuendelea kushuhudia watoto wa watu wakiendelea kuteseka, kunyanyasika, kudhalilishwa na kufanyiwa unyama kiasi hicho akidai atawahamisha kama vitendo hivyo havitakomeshwa.
Via>>Majira 

Monday, June 29, 2015

WATU 109 WAHUKUMIWA INDIA KWA KUKOJOA OVYO.

Watu 109 wamehukumiwa kifungo cha siku moja jela kwa kukojoa hadharani huko India.
Polisi waliwakamata takriban watu 109 kwa kukojoa katika vituo vya usafiri wa umma na reli.
 
Wale wote waliokamatwa wanatuhumiwa kwa kupatikana na hatia ya kukojoa nje ama ndani ya vituo vya reli mjini Agra Kaskazini mwa India .

Waliokamatwa watahukumiwa kifungo cha saa 24 korokoroni ama walipe faini ya kati ya dola mbili na kumi au vyote.

Maafisa wa afya ya umma wanasema walifanya operesheni hiyo kwa ghafla ilikukabili uvundo wa mkojo unaoathiri afya ya mamilioni ya watu wanaotumia huduma hiyo ya reli nchini India.

Mkuu wa polisi katika eneo hilo GRP, Gopeshnath Khanna aliyeongoza operesheni hiyo anasema kuwa itaendelea hadi wahindi wanaolaumiwa kwa kuharibu mazingira kwa kutema mate ukutani baada ya kutafuna thambuu na tumbako iliyowekwa rangina kukojoa katika maeneo ya umma watakapo badili tabia zao.

Aidha wasafiri wa reli wanasemekana kupigwa na harafu mbaya ya mkojo pindi wanapoingia ndani ya vituo hivyo.

Operesheni hiyo ni sehemu ya kampeini ya waziri mkuu mpya wa India Narendra Modi ya kuimarisha afya ya umma al maarufu 'Swachh Bharat.

Waandishi wa habari katika eneo hilo la Agra wanasema hii ndio mara ya kwanza kwa maafisa wa kulinda afya ya umma kwa ushirikiano na serikali ya majimbo kuwakamata vikojozi.

Takwimu za afya nchini humo zinaonesha kuwa takriban watu milioni mia sita 600m ama nusu ya raia wa India hawana vyoo.

Via>>BBC

ALIYEKUWA MGOMBEA WA UBUNGE CHADEMA, MWANZA,ARUDISHA KADI NA KUJIUNGA CCM KATIKA MKUTANO WA KINANA.












Aliyekuwa mgombea wa ubunge kwa tiketi y Chadema, katika uchaguzi mkuu uliopita, Twalib Ngika, akikabidhi yadi ya Chadema kwa Katibu Mkuu wa CCM, Abdulrahman Kinna baada ya kutangaza kuhamia CCM, wakati wa mkutano wa hadhara wa Katibu Mkuu huyo uliofanyika viwanja vya Furahisha jijini Mwanza.
Katibu Mkuu wa CCM Abdulrahman Kinana akiwapigia saluti, maelfu ya wananchi, alipowasili kuhutubia mkutano wake wa hadhara aliofanya jana kwenye Viwanja vya Furahisha jijini Mwanza, akiwa katika ziara ya kukagua utekelezaji wa ilani ya CCM na uhai wa Chama mkoani Mwanza.

Katibu wa NEC, Itikadi na Uenezi, Nape Nnauye akiwahamasisha maelfu ya wananchi katika mkutano wa hadhara wa Katibu Mkuu wa CCM Abdulrahman Kinana uliofanyika
jana katika Vianja vya Furahisha Jijini Mwanza.

"'SAFI SANA"Katibu Mkuu wa CCM Abdulrahman Kinana aonyesha dole gumba ambayo ni ishara ya CCM na kuonyesha kuwa mambo safi, alipowasili kuhutubia mkutano wa hadhara leo kwenye Viwanja vya Furahisha jijini Mwanza. Kushoto ni Katibu wa NEC, Itikadi na Uenezi, Nape Nnauye.


Malikia wa taarab, Khadija Kopa akiongoza kuimba wimbo maalum wa CCM, wakati wa mkutano wa Katibu Mkuu wa CCM, Abdulrhmn Kinana uliofanyika
jana , kwenye Uwanja wa Furahiha jijini Mwanza


Mashabiki wakimg'amg'ania Khadija Kopa wakati akiimba wimbo maalum mbele ya mashabiki hao wakati wa mkutano wa hadhara wa Katibu Mkuu wa CCM uliofanyika
jana kwenye Viwanja vya Furahisha jijini Mwanza leo

Katibu Mkuu wa CCM, Abdulrahman Kinana akihutubia mkutano wake wa hadhara aliofanya katika Viwanja vya Furahisha jijini Mwanza jana.

Maelfu wakimsikiliza Katibu Mkuu wa CCM, Abdulrahman Kinana alipohutubia mkutano wa hadhara katika viwanja vya Furahisha jijini Mwanza.

Maelfu wakiwa wamefurika katika Uwanja wa Furahisha jijini Mwanza wakati wa mkutano wa hadhara uliofanyika katika Viwanja hivyo
jana .


Aliyekuwa mgombea wa ubunge kwa tiketi y Chadema, katika uchaguzi mkuu uliopita, Twalib Ngika, akitangaza kuhamia CCM, wakati wa mkutano wa hadhara wa Katibu Mkuu wa CCM, Abdulrahman Kinana uliofanyika viwanja vya Furahisha jijini Mwanza.


Kinana akisindikizwa na maelfu ya wananchi alipokuwa akiingia kwenye Viwanja vya Furahisha jijini Mwanza kuhutubia mkutano wa hadhara uliofanyika jana. Pmoja naye ni Mwenyekiti wa CCM mkoa wa Mwanza Anthony Diallo n Katibu wa NEC Itikadi na Uenezi Nape Nnauye.

Katibu wa NEC, Itikadi na Uenezi, Nape Nnauye akihutubia kwenye mkutano huo

Wananchi wakishangilia kwenye mkutano huo

Mwenyekiti wa CCM mkoa wa Mwanza, Anthony Diallo, akihutubia mkutano huo


Mmoja wa maelfu ya wananchi waliohudhuria mkutano huo, akiwa na mtoto wake aliyeshika kipeperushi cha CCM


Mkuu wa mkoa wa Mwanza Magesa Mlongo akihutubia kwenye mkutano huo

Meya wa Jiji la Mwanza, Stanslaus Mabula akihutubia kwenye mkutano huo

Katibu wa NEC, Itikadi na Uenezi Nape Nnauye akihutubia kwenye mkutano huo

Katibu Mkuu wa CCM Abdulrahman Kinana akihitimisha kwa hotuba katika mkutano wake wa hadhara uliofanyika katika Viwanja vya Furahisha jijini wanza
jana .

PAKA ALIYEKUWA MENEJA WA KITUO CHA RELI,AZIKWA KISHUJAA,MAELFU YA WATU WAJITOKEZA MSIBANI


Paka mmoja wa Japani ambaye aliyepata umaarufu alipofanywa kuwa mkuu wa kituo cha reli, amefariki, na waombolezaji wengi wamejitokeza.

Wakuu na washabiki walihudhuria mazishi ya paka huyo, katika kituo cha reli, ambako alitumika.

Paka huyo aliyejulikana kwa jina ''Tama'' ambaye alipatikana akiranda randa katika kituo cha reli cha Kishi miaka minane iliyopita kabla yake kutawazwa kuwa meneja wa kituo hicho,aliaga dunia juzi kutokana na umri wake mkubwa wa miaka 16.

Tama aliishi katika kituo hicho akiwa amevalia sare rasmi ya afisa mkuu wa kituo cha reli na kuibuka kuwa kivutio kikubwa cha watalii.



Alivishwa kofia na kikoti maalumu alichoshonewa.

Viongozi na wananchi wa matabaka mbalimbali walimmiminia sifa paka huyo hasa wakisema kuwa ndiye aliyefufua kituo hicho cha reli.

Rais wa shirika la reli ya umeme la Wakayama Japan , bwana Mitsunobu Kojima, alimsifu Tama kwa kufufua uchumi katika eneo zima la Wakayama.

'' Bi Tama, japo umetuacha ninakupa heshima na kuanzia leo utasalia kuwa mkuu wa kituo hich cha reli milele''alisema Kojima


tangazo hilo lilishangiliwa na waombolezaji waliofika katika maziko hayo.

Pengo lililoachwa na kifo cha bi Tama tayari limejazwa na paka mwengine mpya ambaye kwa sasa hajapewa heshima za kuwa mkuu wa kituo hicho.

Gavana wa kanda hiyo ya Wakayama , Yoshinobu Nisaka, amewashauri wadogo wake wamtunze mrithi wa Tama na vilevile wamfunze kazi.

''itakuwa bora sote tukichukua jukumu la kuendeleza utamaduni wa kihistoria ulioachwa na bi Tama''alisema gavana Nisaka.

Tama kama paka huyo alivyofahamika alilelewa na wafanyikazi wa reli katika kituo hicho cha Kishi.

Hata hivyo maisha yake yalibadilika shirika la reli lilipowafuta kazi wafanyikazi wote katika kituo hicho n hivyo akasalia humo asijue pa kwenda.

Tama baadaye alitambuliwa na wakuu wa shirika hilo na hivyo akatawazwa kuwa mkuu wa kituo hicho.

Umaarufu wake uliibua mtindo mpya wa mavazi ya paka,biashara ambayo hadi sasa inanogo katika eneo hilo la Kishi na Japan kwa jumla.

Aidha watalii walibadili safari zao na kupitia katika kituo hicho cha reli ilikujionea wenyewe ''afisa huyo mkuu'' akihudumia abiria.

Maajabu ya ulimwengu!
via>>BBC

Thursday, June 25, 2015

OXFAM SASA KUSHIRIKIANA NA WALINZI WA JADI SUNGUSUNGU KATIKA AWAMU YA PILI YA MRADI WA CHUKUA HATUA.

WASHIRIKI WA SEMINA YA WADAU WA MRADI WA CHUKUA HATUA ILIYOANDALIWA NA SHIRIKA LA OXFAM TANZANIA WAKIWA KATIKA PICHA YA PAMOJA.

SHIRIKA lisilo la kiserikali la misaada ya kibinadamu la OXFAM GB Tanzania linatarajia kushirikiana na  walinzi wa jadi (Sungusungu) katika awamu ya pili ya mradi wa Chukua hatua unaotarajiwa kuanza mapema mwezi ujao.

Akiongea katika semina iliyoshirikisha wadau washiriki wa mradi huo,Mratibu wa Progamu ya haki jamii Lissa Faye amesema kuwa katika awamu ya kwanza ya chukua hatua wamebaini kuwa walinzi wa jadi marufu kwa jina la sungusungu wana nafasi kubwa ya maamuzi katika maeneo mengi ya vijiji hususan kanda ya ziwa.

Faye Amesema kuwa maeneo mengi ya  wilaya za Shinyanga na Geita maamuzi mengi ya kisheria na masuala ya utawala bora yanasimamiwa kwa kiasi kikubwa na Sungusungu hao hivyo kuona kuna umuhimu wa kuwapa mafunzo ya usimamizi bora wa sheria katika kusimamia sheria za vijiji.

Kwa upande wao washiriki wa semina hiyo ambao ni wadau wa mradi huo Kutoka Loliondo,Ngorongoro na Shinyanga wamesema kuwa wazo la kushirikisha walinzi wa jadi katika awamu ya pili ya mradi wa Chukua hatua litawasaidia katika kuyafikia makundi yote ambayo mengine yanaogopa kushiriki kwa kuogopa walinzi wa jadi (Sungusungu).

Mradi wa Chukua hatua awamu ya pili wenye lengo la kuhamasisha usimamzi wa utawala bora na uwajibikaji unatarajiwa kufanyika katika halmashauri za Kishapu, Mbogwe, Kahama, Bariadi, Itilima, Shinyanga Vijijini, na Ngorongoro.


Katika mradi wa Chukua hatua sehemu ya pili Shirika la OXFAM Tanzania linatarajia kushirikiana na Taasisi za CABUIPA,TAMASHA,NYDA na PALISEP katika utekelezaji wa mradi huo.

MATUKIO KATIKA PICHA:
WASHIRIKI WAKIWA KAZI ZA VIKUNDI KATIKA SEMINA HIYO.

WASHIRIKI WAKIWA KATIKA KAZI ZA VIKUNDI KUJADILI MBINU MBALIMBALI ZITAKAZOTUMIKA KATIKA AWAMU YA PILI YA MRADI WA CHUKUA HATUA.

KAZI ZA VIKUNDI ZIKIENDELEA KATIKA SIKUYA PILI YA SEMINA HIYO ILIYOFANYIKA JIJINI MWANZA.

WASHIRIKI WA SEMINA HIYO KUTOKA SHIRIKA LA NYDA,CABUIPA NA WARGABISHI WAKIWA KATIKA KAZI ZA VIKUNDI.

MWAKILISHI WA PALISEP MR ROBART KUTOKA NGORONGORO AKIWASILISHA MPANGO KAZI WAKE WA NAMNA ATAKAVYO FANYA KAZI KATIKA AWAMU YA PILI YA MRADI WA CHUKUA HATUA

KAZI ZA PAMOJA ZIKIENDELEA KATIKA SEMINA HIYO.

MWAKILISHI WA SHIRIKA LA TAMASHA MR RICHARD MABALA )ALIYESIMAMA) AKIWASILISHA WAZO LAKE  NAMNA ATAKAVYOFANYA KAZI KATIKA MRADI HUO.

MWAKILISHI KUTOKA SHIRIKA LA OXFAM MR WAMBURA ALIYESIMAMA MBELE AKITOA MAELEZO KUHUSU CAMSA.

SEMINA IKIENDELEA